«اسكريبت»
” تناهيد القلب”
– هتفضلي علي وضعك دا لحد امتا يا فاطمه؟!
” بصتلها وابتسمت بحزن:- انا كويسه يا بسنت متقلقيش عليا “
– بسنت قربت مني وبصتلي بحنيه:-بطلي كدب عليا وعلي نفسك عشان انتي عارفه اني بعرفك كويس وانا عارفه ان لسه موضوع خالد مآثر فيكي وجرحك’
بصتلها بضعف وعيطت… عيطت بأنهيار معرفش فضلت اعيط قد ايه بس انا مش عاوزة حاجه غير اني اعيط وبس يمكن اهدي وارتاح من التعب اللي محاوطني دايما، بسنت هي الوحيدة اللي بتهون عليا دايما وبتقف جنبي اول ما شافتني بالمنظر دا خدتني في حضنها وفضلت تطبطب عليا لحد ما هديت خالص
– ابتسمتلي بحب : انا مش عاوزاكي تكتمي جواكي يا فاطمه، اتكلمي واحكي اللي تعبك ومتخزنيش الحزن والوجع جواكي ابدا انتي فاهمه، يلا انا هسيبك ترتاحي دلوقتي واقابلك الصبح عشان الكليه واصحي بدري الله يخليكي مش كل يوم تحنطيني تحت زي الانسان الآلي كدا
” ضحكت ” ما انتي اللي بتعملي فيها البنت المكسوفه اووي ومبترديش تطلعي يا اختي وصخر موجود
– ضحكت “يا بنتي ما اخوكي اللي مز ويتحب الصراحه وانا لو شوفته اتكسف وافضح نفسي قدامه وتبقي كملت بقا، يلا يا اختي سلامو عليكو
” ضحكت علي كلام بسنت وتلقائيتها وطيبة قلبها في الكلام دايما، انا لولا وجود بسنت في حياتي مكنتش هعرف اعيش بالله من غير ضحكتها وحنية قلبها وهزارها الدايم وعصبيتها وكسوفها لما تشوف اخويا صخر، بجد انا ممتنه لوقوفها جنبي في اصعب لحظات حياتي
” نسيت اعرفكم بنفسي انا فاطمه بنت عاديه وبسيطه جدا بحب اعيش حياتي ببساطه بين عايلتي وبحب الضحك والهزار دايما…..انا في كلية علم نفس وصخر دايما واقف جنبي وساندني في كل شئ في حياتي بعد وفاة بابا الله يرحمه…… ماما بقا بتكون كل شئ حلو وجميل في حياتي هي اكتر شخص بتخليني احب الحياة واتفائل دايما والله…..بس للأسف الحياة مش دايما وردي ولا دايما حلوة زي ما احنا متخيلين فجأة حياتي اتحولت ١٨٠ درجه من ساعة دخول خالد لحياتي هتعرفوا ازاي
تاني يوم الصبح
” صحيت من نومي ولبست هدومي وجهزت وكالعادة بسنت رفضت تطلع عندي لحد ما اخلص وانا برضه اتأخرت عليها كالعادة
” نزلت وانا بجري منعا لسماع تهزيق كل يوم من الاخت بسنت وبرضه اتهزقت كالعادة يا بشر ورقبتي بقت قد السمسمه اه والله زي ما بقولكم كدا
– يا بنتي هو انا لازم كل يوم اهزق فيكي بسبب التأخير دا ؟!..
” خلاص بقا اخر مرة بإذن الله وبعدين اصلا اصلا صخر اللي أخرني عشان كنت بكوي قميصه اللي هيروح بيه شغله
– بسنت بضحك:- لا لو التأخير بسبب كدا فاتأخري براحتك يا باشا صخر برضه ابننا ولازم نهتم بيه
” رفعت لها حاجبي بغمزة:- طبعا انتي هتقوليلي ما هو حبيب القلب بقا
• السلام عليكم ورحمة الله وبركاته
– بصيت لمصدر الصوت لقيته صخر اخويا فبصيت لبسنت لقيت وشها كله عبارة عن طمطمايه فكتمت ضحكتي ورديت السلام بهدوء
– بسنت بصتله بخجل وردت بهدوء:- وعليكم السلام ورحمة الله
• ازيك يا انسه بسنت
– بصتله بهدوء:- الحمد لله بخير….. ثم وجهت نظرها لفاطمه:- يلا يا فاطمه عشان اتأخرنا كدا ومش هنلحق المحاضرة
ومشيت من قدامنا
• صخر بضحك:- الحقي صاحبتك عشان وشها قلب طماطم وانا هروح شغلي عشان متأخرش سلام…وخلي بالكم من نفسكم كويس وبالذات من بسنت
” ضحكت علي كلام صخر وجريت ورا بسنت ومشيت جنبها وانا بتريق عليها بهزار وانا من جوايا عارفه ان صخر هو كمان بيحب بسنت بس مستني يكون نفسه عشان يعرف يتقدملها
* حضروا محاضرتهم كلها وكل واحدة فيهم روحوا علي بيتهم
بعد يوم طويل ومتعب
” رجعت فاطمه البيت ودخلت سلمت علي مامتها واستأذنت منها ترتاح دخلت اوضتها وغيرت وصلت كل الفروض اللي عليها واتنهدت بتعب وقعدت علي السرير وبدأت ذكرياتها تهاجمها من جديد
«فلاااش باااااااك»
” يعني ايه الكلام اللي بتقول دا يا خالد؟
– قعد علي الكرسي وهو بيبصلي ببرود:- يعني انا كنت واخدك رهان مع صحابي اني اوقعك في حبي وترتبطي بيا بس انتي كنتي من النوع الجد في الاول وبدأت اظهرلك في كل مكان لحد ما عرفت اوقعك في حبي بس برضه كنتي بتصديني واضطريت اتقدملك ونتخطب بسبب الرهان مش اكتر ولولا انك سمعتي مكالمتي مع صحابي كنت هكسب الرهان التاني واتجوزك واستمتع براحتي واكون كدا عملت اللي في مزاجي واسيبك براحتي وانتي ولا فارقه معايا من الاساس
” بصتله بدموع وحسيت ان العالم كله ضدي في اللحظه ديه وحسيت اني اتكسرت وقلبي اتحطم لحتت كدا ومستحيل يرجع زي الاول تاني وصرخت فيه بكل انهيار وانا دموعي مغرقه وشي:-انت طلعت انسان زباله واحقر شخص شوفته في حياتي….حرااام عليك والله انا حبيتك من كل قلبي وكنت بتقي ربنا فيك في كل شئ بعمله ودخلتك حياتي كلها ووثقت فيك اكتر من اي حد وفي الاخر تعمل فيا كل دا ليه حرااام عليك….. انت طلعت حي*وان وعمرك ما هتكون راجل ابدا
سبته ومشيت وانا كرها العالم كله وحاسه الدنيا بتلف بيا من كتر عياطي وأنا بفتكر كل ايامي معاه وفي دماغي الف سؤال وسؤال
– لما صخر عرف بالموضوع غضب اووي وكان مصمم يروح يبهدله بس انا هديته وقولتله اني مش عاوزة مشاكل واني بحمد ربنا اني عرفته علي حقيقته في الوقت المناسب واقنعته يهدي وننهي كل شئ بهدوء…..وهو عشاني مرضاش يعمله اي حاجه كان اهم حاجه عنده راحتي انا وبس
«نهاية الفلااااش»
” مسحت دموعي اللي مش مبطله نزول وكأنها بتتحداني انا عاوزة اثبت لنفسي اني قويه وهتخطي الموضوع بكل قوة وانسي كل حاجه بس مش بقدر انا ضعيفه اوووي ومش قادرة انسي اللي حصل ولا قادرة انساه رغم كل اللي عمله معايا لكني لسه بحبه برضه عاوزه اكرهه ومش قادرة واذا كان علي قلبي اللي بيحبه لسه فا انا ادوس عليه بكل قوتي وانسي اي حاجه تخصه وابدأ من جديد…صليت كتير اوووي ودعيت ربنا ينزع حبه من قلبي ويرحمني واقدر انسي وابدأ حياتي من جديد
” مر ٣ سنين علي اللي حصل معايا واقدر اقول فعلا اني تخطيت كل شئ حصل معايا وداويت جراحي ونسيت خالد نهائي بقربي من ربنا وصلاتي….بقيت انسانه قويه واقدر اعتمد علي نفسي في كل شئ وعمر ما اي شي يضغفني ابدا
– والله يا فاطمه لو منزلتيش حالا لأكون سايباكي وماشيه انا قولت اهو
” خلاص نازلة اهو والله دقيقتين وهتلاقيني قدامك
” نزلت بعدها علطول وروحنا الكليه وكالعادة بحب ارخم علي بسنت جدا
* دخلنا محاضراتنا وقضينا يومنا عادي جدا وقبل ما نطلع من الكليه شوفته قدامي ولقيته بيبصلي وبيقرب من ناحيتي للحظه خوفت واتجمدت وانا واقفه مكاني ومعرفتش اتحرك ولا انطق بكلمة….مسكت في ايد بسنت جامد لقيتها بتبصلي وبتهدي فيا واول ما شافته عرفت انا حالتي وصلت لكدا ليه
– خالد بسخريه:- اهلا اهلا بالانسه فاطمه…..وحشتيني يا قمر والله
لقيت بسنت فجأه بتشدني وراها وبتبص لخالد بغضب:- انت ايه جابك هنا يا حي*وان انت….اتفضل امشي من هنا بدل ما افرج عليك الدنيا واخليك مش عارف تنطق بكلمه
” بصلها بغضب وزقها ومسك ايدي بالغصب وانا معملتش حاجه غير اني فضلت اعيط واصرخ
” فجأه لقيت شخص بيشدني من ايده ويوقفتي وراه وانا من غير تفكير مسكت في قميصه جامد واستخبيت فيه
– خالد بغضب:- انت ازاي تتجرأ وتعمل معايا كدا يا بنأدم انت…. وسع من قدامي واتفضل امشي من هنا
وقبل ما يمسكني من ايدي
” الشاب مسكه من ايده ولفها ورا ضهره:- الظاهر انك مبتجيش بالذوق يا بنأدم انت ومش نافع معاك غير قلة الذوق
* حاول خالد يبعد ايده عن الشخص دا معرفش بسبب قوته فزعق بصوت عالي:- سيب ايدي يا عم انت والزم حدودك معايا انت متعرفش انا ممكن اعمل فيك ايه
* فضل الشاب ماسكه من ايده وبصله بهدوء:- ميشرفنيش اعرف انت مين يا بنأدم يا تافه انت
* ضغط علي ايده اكتر خلاه يتالم من الوجع وسابه ومسك ايد فاطمه ومشي وبسنت ماشيه وراهم
= وقف برا الكليه وبصلها:- اتمني تكوني بخير واسف اني مسكت ايدك بالطريقه ديه
” بصتله بهدوء:- لا ولا يهمك وبشكرك جدا علي اللي عملته واسفه لو سببتلك مشاكل يا….
= يونس اسمي يونس دكتور هنا ….انتي فرقة كام؟
” انا فاطمه فرقة رابعه…..تشرفت بمعرفة حضرتك
= ابتسم:- انا اكتر انسه فاطمه واتمني تكوني بخير
” الحمد لله بخير….اسفه هضطر استأذن وامشي..يلا يا بسنت
* سيبته ومشيت وانا حاسه اني مبسوطه وفرحانه بالرغم من خوفي من خالد بس لما لقيته هو حسيت بأمان الدنيا محاوطني حسيت عيونه فيها امان الدنيا كلها وانه مطمني بوجوده
” دخلت البيت وقعدت مع والدتي شويه وبعد كدا دخلت اوضتي كالعادة وآديت كل فروضي وقعدت اقرأ في كتبي المفضلة زي كل مرة….. لقيت بسنت بتتصل بيا رديت عليها بهدوء:- ازيك يا حبيبتي
– ردت عليا بصوت مخنوق:- فاطمه انا اتقدملي عريس وماما وبابا موافقين عليه والمرة ديه مصممين اني اقابله المرة ديه ومش عارفه اعمل ايه….انا قلبي واجعني اووي بجد
* للحظة اتصدمت وقلبي انا كمان واجعني عشانها انا جربت الاحساس دا ومش عاوزة حد يجربه ابدا او يحس بيه ابدا
” حاولت اهديها ورديت عليها بهدوء:- اهدي يا حبيبتي انا جنبك ومش هسيبك وان شاء الله خير متيأسيش ابدا واكيد لو انتي رفضتيه اهلك مش هيجبروكي توافقي عليه حبيبتي….اهدي دلوقتي وادخلي اتوضي وصلي واستغفري كتير واكيد ربنا هيقدملك كل خير
* قفلت معاها بعد ما حاولت اهديها وعيطت كتير اووي قلبي اتوجع ليها ولصخر…..انا عارفه ان صخر بيحبها وكان مستني يكون نفسه عشان يتقدملها رسمي….صليت كتير اوووي ودعيت ليهم
– بعد شويه لقيت باب اوضتي بيخبط وصخر داخل عليا وهو مبتسم فابتسمتله بحب
* قعد جنبي وبصلي بهدوء:- انا جيت اقولك علي خبر حلو وهيفرحك اوووي
” بصتله بهدوء وانا خايفه من الكلام اللي هيقوله:- قول يا حبيبي سمعاك
* ابتسم ومعالم السعادة ظاهرة علي وشه:- انا خلاص كونت نفسي وخلصت كل حاجه…. والجديد بقا اني اتقدمت لبسنت بس اكدت علي والدها ووالدتها ميقولوش مين اللي اتقدم عشان اعملها مفاجأة
” انا مصدقتش نفسي ومن فرحتي قومت وقعدت اتنطت وحمدت ربنا علي استجابت دعواتي وحكتله المكالمه اللي دارت بيني وبين بسنت وهو اكد عليا ما اقولش ليها حاجه خالص
” تاني يوم الصبح جهزت وروحتلها لقيت وشها بهتان وتعبانه صعبت عليا الصراحه بس مقولتلهاش حاجه….الليل جه بسرعه واتفاجأت بصخر داخل وقاعد مع والدها
– بصتلي وعيونها فيها دموع فرحه وهي مش مصدقه اللي بيحصل قدام عينيها قومت حضنتها بحب وهمست في ودانها:- مبروك ليكي يا روح قلبي….صخر عرفني انه هو اللي متقدملك بعد ما قفلت معاكي واصر ما اعرفكيش حاجه لانه حابب يعملهالك مفاجأة
‘ باباها ناداها عشان تقعد مع صخر
* بصلها صخر بحب:- مبارك ليكي يا بسنت
– ردت بهدوء:- الله يبارك فيك يا صخر
” كنت قاعده فرحانه ليهم ونزلت اتمشي شوية في الهوا لحد ما رجلي سايرتني للبحر ، قعدت علي الكرسي بهدوء لقيت شخص قاعد جنبي وبيمدلي شوكولاته بأيده ببص ناحيته لقيته هو يونس
= بصلي بأبتسامه:- قاعدة لوحدك ليه في الوقت دا
” بحب اقعد هنا دايما وفي الوقت دا بالتحديد بحس براحه كبيرة وبرمي همومي كلها واستريح
= اتنهد بهدوء:- انا سامعك لو عاوزة تتكلمي
” زي ما اكون صدقت انه قال كدا وبدأت احكيله عن خالد وكل شئ عمله معايا وانا بعيط بحزن….لقيته بصلي بهدوء وحنيه غريبه ومدلي ايده بمنديل:- امسحي دموعك شخص زي دا ما يستاهلش انك تبكي بسببه ابدا
* خدت المنديل من ايده ومسحت دموعه وبدأت اهدي….وبدا هو يتكلم معايا ويحكيلي عن حياته وانا ارتحت لكلامه ولنبرة صوته جدا يعني
” عدي اليوم دا بكل هدوء وبقيت كل يوم اروح نفس المكان لأجل اني اشوفه بس واشوف عيونه اللي دايما بتطمن قلبي…..واكتشفت بعدها انه قرر يعطي لفرقة رابعه مادة علم نفس ، الكلام اتطور بينا جدا وانا بدأت اتعلق بيه بس كنت بخاف اتوجع من جديد وادعي من قلبي اني متوجعش تاني
* يونس ” انا بحبها جدا من زمان ودايما كنت براقبها من بعيد لبعيد لكن محبتش اخلق معاها اي كلام نهائي وكنت بطلبها من ربنا دايما وقررت اشتغل واجتهد اكتر واكتر عشان اقدر اجمع فلوس واعرف اتقدم لها وقررت متقدمش غير لما هي تخلص كلية…لكن لما شوفت الشخص دا بيقرب منها ويضايقها مقدرتش استحمل وجريت عليها ومن هنا بدأت اقرب منها اكتر واكتر…كنت براقب خطواتها دايما خوفا ان الشخص اللي اسمه خالد دا يضايقها تاني لحد ما عرفت كل حاجه عنها….اتضايقت في الاول وزعلت جدا بسبب اللي حصلها وكنت خايف تكون لسه بتحبه بس فرحت لما لاقيتها بتقولي انه مبقاش يفرق معاها ابدا
” عدي ٥ شهور ويونس بقا كل حاجه في حياتي…بس لحد دلوقتي محدش اعترف للتاني بمشاعره…بمعني اصح كل واحد عامل نفسه اهبل وبيستعبط علي التاني
” طلعتي دلوقتي وقعدتي اهو….اشمعنا الاول كنتي بتذليني ومش عاوزة تطلعي يا جزمه ولا خلاص بقا ما صخر بقا خطيبك ومقضينها انتو وبصتلها وضحكت”
– غوري يا بت من وشي ابو شكلك
” دخلت جهزت نفسي وخرجت لقيت صخر مستنينا عشان يوصلنا
* لقيته بيبصلي:- في عريس متقدملك يا بطه وهيجي بكرا ، عشان خاطري شوفيه بس ولو موافقتيش انا مش هجبرك عليه
” اتصدمت وجسمي تعبني ومردتش عليه….دخلنا المحاضرات وخلصنا وطول اليوم وانا مش مركزة في اي شئ ومش عاوزة اقول لبسنت حاجه رغم محاولاتها معايا
———————————-
” يونس انا عاوزه اقابلك حالا في مكاننا اللي بنقعد فيه دايما
= خير يا حبيبتي مال صوتك طيب
” لما اقابلك يا يونس ارجوك انا هخرج دلوقتي واستناك في مكاننا
* قفلت الخط معاه وهي خايفه وقلبها واجعها من اللي بيحصل معاها….استغفرت ربنا كتير وخرجت من البيت وبعد وقت وصلت مكان البحر لاقته واقف مستنيها وحاطت ايده في جيوبه وعاطيها ضهره
” قربت منه وبدون مقدمات منها:- انا متقدملي عريس يا يونس
* بص ناحيتي بهدوء وصدمني برده:- مبروك يا فاطمه
” بصتله بصدمه:- مبروك !!… بقولك متقدملي عريس تقولي مبروك!!
= بصلي بنظره مفهمتهاش وسابني ومشي وانا للمرة التانيه اتوجع وانكسر بالطريقه ديه
” رجعت البيت همدانه وتعبانه جدا ودخلت صليت استخارة والغريب اني ارتحت جدا….وافقت اني اقابل العريس وانا حاسه اني مش عايشه من الاساس
* صحيت تاني يوم الصبح وانا مش قادرة افتح عيوني من التعب والعياط طول الليل
” فضلت طول اليوم في اوضتي وبسنت كانت معايا وجهزتني والغريبه انها فرحانه
– صخر دخل الاوضه وحضني وبعدين خرجت معاه وانا ماسكه ايده بخوف ودخلت الاوضه….لقيت صخر بيقول:- طيب يلا بقا نسيب العروسين مع بعض شويه….وسابوني وخرجوا وانا مش قادرة ارفع عيوني وابص ناحيته
= طيب ايه مش هتكلفي نفسك وتبصي لعيوني حتي
” اتفاجئت من صوته وبصيت ناحيته لقيت يونس قدامي.. مصدقتش نفسي وفضلت اعيط
* لقيته قرب مني بهدوء ومسح دموعي بأيده وهو بيبصلي بحنيه
” بعدت عنه بغضب:- ابعد عني يا يونس وانسي اني اوافق اني اتجوزك…..ولسه هخرج لقيته مسك ايدي
= اهدي يا حبيبتي عشان بمزاجك غصب عنك هتوافقي يا روحي
” بصتله وعيطت لقيته ساب ايدي ويصلي بحنيه:- حقك علي قلبي طيب….والله كنت حابب افاجأك…انا اسف طيب حقك علي قلبي يا روح قلبي
” غصب عني ابتسمت ليه:- انا اتثبتت يا يونس….ناوي تعمل فيا ايه تاني
= ناوي اتجوزك واحبك اكتر واكتر يا قلب يونس…..انا بحبك
” ايه!
= بقولك بحبك
“وانا كمان بحبك يا نوسي
= ايه!! … قولتي ايه!!
” مكرونه وبانيه يا يونس قولت مكرونه وبانيه
* ضحك وانا قلبي ضحك معاه….والكل دخل وبلغتهم بموافقتي ويونس اصر ان كتب الكتاب يكون بعد اسبوع مع كتب كتاب صخر وبسنت
– انا كنت طايرة من الفرحة ومبسوطه
«يوم كتب الكتاب»
” جهزت انا وبسنت وطلعنا وسط الكل وفضلت قاعدة وانا مش مصدقه نفسي لحد قول الشيخ:- بارك الله لكما وجمع بينكم في خير ان شاء الله
” اتشديت من وسط الكل ولقيت نفسي في حضنه… عيطت كتير اووي ودي كانت دموع فرحتي وسعادتي وهو فضل حاضني كتير جدا وكل شويه يشدد في حضني اكتر وهمس في ودني:- مبروك يا مراتي…. مبروك يا حرم يونس ابراهيم
بعد كدا اتكتب كتاب صخر وبسنت
* كنت فرحانه لبسنت جدا وحضنتها بكل الحب اللي جوايا… لقيت صخر بيضحك:- سيبي مراتي ليا بقا اشبع منها
– شدها مني وحضنها جامد وهي متعلقه في رقبته بحب:- مبارك ليكي يا حبيبتي
– الله يبارك فيك يا حبيبي
———————————
” طلقني يا يونس
= بصلها بهدوء: حاضر يا حبيبتي هخلص شغلي ونشوف الموضوع دا
– عصبني بصراحه فقومت وشيلت فيشت اللاب من الحيطه وقفلت اللاب خالص
* لقيته بصلي بغضب وساب اللاب وفضل يقرب مني لحد ما انا خبطت في الحيطه ورايا:- متبصليش كدا وطلقني
= اتنهد وبصلي بغضب:- انتي عارفه انتي علمتي ايه دلوقتي…..انتي بوظتيلي شغلي كله يا هانم اللي سهران فيه بقالي يومين
” بصيت للأرض بحزن وعيطت لقيته اتنهد بهدوء ورفع راسي ليه:- طيب انتي ليه بتخليني اتنرفز عليكي واكون السبب في دموعك….متعيطيش يا قلب يونس حقك علي قلبي يولع الشغل علي سنينه بس متعيطيش
” انا عاوزة اتطلق…..انت مبقتش تهتم بيا ابدا يا يونس ولا بتقعد معايا زي الاول ولا مهتم بأبني اللي في بطني ولا بتعبي الدايم
= لقيته ضمني لقلبه بحب:- حقك عليا يا قلب يونس…انا اسف ليكي يا روحي انا مخدتش بالي ابدا والله…انا كل اللي بعمله دا عشان خاطرك وخاطر ابننا يا حبيبتي والله….متزعليش مني وحقك علي قلبي يا مسكن روحي وقلبي
” جماعه يونس ثبتني خلاص وانا صراحه بحب صوته وبحب تثبيته ليا دايما
= بعد عني وباسني من جبيني ولقيته شالني وحطيني علي السرير وقعد جنبي وخدني في حضنه وفضل جنبي لحد ما روحت في النوم
” حقيقي يا جماعه ملقيتش ونس للعمر احسن منه
————————————
– ابعد يا صخر لو سمحت
” اهدي وبطلي تسرع في كل حاجه يا بسنت يا حبيبتي واسمعيني
– مش عاوزة اسمعك وابعد من قدامي…. لسه هتمشي شدها عليه جامد بعصبيه
” صخر بعصبيه:- قولت اهدي واسمعيني بقا وبطلي تتسرعي في كل حاجه
– قعدت قدامه وهي باصه للأرض وبتحاول تمنع دموعها من النزول
” اتنهد وبصلها بهدوء:- رغد معايا في الشغل دايما وكانت علطول تحاول تقرب مني وانا كنت بصدها دايما ولما عرفت اني اتجوزت غضبت وبرضه فضلت تحاول تقرب مني وزعقت معاها كذا مرة واليوم اللي جيتي فيه والله كنت ببعدها عني وهي اول ما شافتك اتعمدت تقرب اكتر وانتي مستنتيش تسمعيني ومشيتي وحكمتي عليا بتسرعك الدايم دا…..انا طول عمري بحبك وعمري ما شوفت في حياتي غيرك والله
– عيطت جامد ولقيته قرب مني وحضني:- انا اسفه يا صخر بس بجد غيرت عليك اووي ومقدرتش امسك نفسي ابدا….سامحني علي سوء ظني فيك
” حضني وضمني ليه بحب:- هششش اهدي خلاص…..انا بحبك وعمري ما اقدر ازعل منك
– وانا كمان بحبك جدا
———————————–
” يونس….يا يونس اصحي بقا
فتح عيونه وانا صراحه بعشق عيونه يا جماعه والله….وبحب شعره هو منكوش كدا ونازل علي وشه ، متجوزه قمر انا والله
= نعم يا حبيبتي خير وبعدين بص لساعته:- الساعه ٣ يا فاطمه مصحياني الوقت دا ليه؟!
” بصتله ببراءه:- انا عاوزة انزل اتمشي في الشارع لحد الشروق واكل بيتزا بالسي فود وبعدين اكل ايس كريم
* لقيته بصلي بصدمه يا عين امه…ما اهو انا مش هستحمل هرمونات الحمل لوحدي
= قام بهدوء وبصلي:- عاوزة كل دا دلوقتي يا فاطمه؟
” بربشت بعيني ليه ببراءه وثبته صراحه يا جماعه وضعف قدامي ووافق
* اتمشينا لحد الشروق ما طلع وجابلي بيتزا وبعديها ايس كريم
” ولقيته باسني من جبيني من غير مقدمات وضمني ليه بحب وحنيه:- مهما طال العمر بيننا هفضل احبك واشيلك جوا عيوني يا نور عيوني
* ابتسمت واستخبيت في حضنه وانا بحمد ربنا علي كل شئ حصلي واني بعدت عن خالد لولا بعد خالد عني ولولا مقابلتي انا ويونس كنت هفضل تايهه طول حياتي واتأكدت بيقين ان ربنا بيكون مخبي للأنسان الاحسن دايما….وانا كفايه عليا حنيه يونس وقلب يونس وجمال يونس وكل حاجه تخص يونس
” حين تشعر برغبه دفينه في الموت جرب الموت حبا حينها ستحب الحياه ” «لادهم الشرقاوي»
” بسنت محمد “
– جئت لتسكن روحي “
همسات روائية 
أضف تعليق